Қазақстан Республикасы
Ұлттық ғылым академиясы
«News of the National Academy of Sciences of the Republic of Kazakhstan, Series of Geology and Technical Sciences» ғылыми журналының негізі 1940 жылы қаланған. 2025 жылы «Қазақстан Республикасы Ұлттық ғылым академиясы» РҚБ-нің мемлекеттік мәртебеге өтуіне байланысты журнал Орталық Азия академиялық ғылыми орталығының қарамағына берілді. Аталған орталық қазіргі уақытта журналдың құрылтайшысы болып табылады.
Журналдың бекітілген мұқабасы мен титулдық беттері, басылымның шығыс деректемелері, халықаралық ISSN және eISSN индекстері, редакциялық алқа құрамы, редакциялық саясат пен жарияланым этикасы бар, сондай-ақ журналдың жеке ресми веб-сайты жұмыс істейді.
Журналдың тақырыптық бағыттары:
«Геология, гидрогеология, география, тау-кен ісі, мұнай, газ және металдардың химиялық технологиялары».
Журнал жылына — 6 рет жарық көреді.
Барлық мақалалар Scopus және CrossRef халықаралық дерекқорларында индекстеледі. Әрбір жарияланымға тұрақты сілтеме, дәйексөз келтіру мүмкіндігі және электрондық нұсқаларға қолжетімділікті қамтамасыз ететін бірегей DOI сандық идентификаторы тағайындалады.
Сонымен қатар журнал «Ұлттық мемлекеттік ғылыми-техникалық сараптама орталығы» АҚ (НМҒТСО) жүзеге асыратын Қазақстандық ғылыми дәйексөз индексінде (ҚазҒДИ) индекстеледі.
Редакциялық алқа құрамына индекс хиршасы 2-ден кем емес қазақстандық және шетелдік жетекші ғалымдар кіреді.
Журнал ақпараттық ашықтық қағидаттарын ұстанады және басылымның ресми сайты арқылы үш тілде жарияланымдардың толық мәтіндеріне еркін қолжетімділікті қамтамасыз етеді.
Мақалалар журнал сайтында ағылшын тілінде жарияланады, ал аннотациялар міндетті түрде үш тілде беріледі.
Журналдың мақсаты – геологиялық, гидрогеологиялық, географиялық, тау-кен-техникалық және химиялық-технологиялық ғылымдар салаларындағы ең жаңа жетістіктерді жариялау, ғылыми ақпаратты кеңінен тарату және жаңа авторларды жарияланымдық белсенділікке тарту.
Журналдың міндеттері:
– бұған дейін жарияланбаған және басқа журналда жариялауға ұсынылмаған, жоғары сапалы әрі түпнұсқадағы ғылыми мақалаларды жариялау;
– авторлық құқыққа қатысты Қазақстан Республикасы заңнамасының талаптарын және әлемдік жарияланым этикасының жалпыға танылған қағидаттарын сақтау;
– жоғарыда аталған ғылым салалары бойынша іргелі және қолданбалы зерттеулердегі жаңа жетістіктердің нәтижелерін жариялау.